Hoxe traivos unha forma de como aprobeitar os xornais vellos que temos pola casa. Para todos aqueles que queirades dar un regalo dunha forma orixinal, ou teñades un comercio (e paciencia, neste caso!) ou simplemente vos gusten as manualidades, esta é unha forma sinxela de sacarlle partido a cantidade de xornais que se tiran ao lixo (entre outras).
Pois comezamos!!
Primeiro reclutar o material:
* 3 follas de xornal vello (as que máis vos gusten)
* 1 barra de pegamento
* cinta métrica
* tesoiras
* un rotulador negro (para marcar)
* unha bolsa de papel das de tenda (para ter un modelo de referencia en canto as medidas)
O seguinte paso e medir o largo e ancho da bolsa escollida (previamente aberta de todo como se ve na imaxe) para mediante unha regla ou a mesma cinta métrica marcar as dimensión no xornal, coa axuda do rotulador. Tamén podedes collela e utilizala como patrón, marcando o contorno. Unha vez que o contorno está marcado, hai que marcar todos os pliegues verticais para saber por onde hai que dobrar. O fondo da bolsa, non é necesario marcalo, xa que cando vaiamos a cerrala xa ides ver por onde se ten que doblar, ademáis lembrade que tedes a bolsa antiga como referencia.
As medidas desta bolsa son 55x35 cm (ancho e largo)
Unha vez que teñades iso listo, hai que pegar as tres follas de xornal coa barra de pegamento, pero ollo!! ide con coidado porque as follas rompen doadamente. Cando xa as teñades pegadas recortades todo o perímetro da bolsa, e de seguido comezades a dobrar, deixando a parte marcada hacia dentro.
Na imaxe de arriba, vedes que a esquerda hai unha liña discontinua que marca unha pequena pestaña, esa pestana é aque vai cerrar a bolsa e vai ir pegada polo interior á outra cara da mesma.
Todas as liñas discontinuas que marquei indican as dobladuras.
Unha vez que fagades as dobladuras, so queda cerrala polo lateral, e rematar o fondo da mesma ou a base. Para iso, fixadevos ben na bolsa modelo veredes que ao dobrar quedan dúas solapas por cada cara da bolsa formando un triángulo, só vos queda dobrar ben e pegar.
Aprobeitei as ásas da bolsa anterior, para poñelas na nova, pero tamén as podedes facer con xornal, só tedes que empregar certa cantidade para que queden consistentes e cola, ou podedes empregar lazos, retais de telas, lá, cordón de cáñamo, etc...
E finalmete, e facendo a dobladura final ( a que plega as bolsas por completo deixandoas planas) o resultado foi este...
Veredes que a min me quedaron as marcas por fóra!! pero cando me decatei xa a tiña rematada!!
Sacando este pequeno detalle, espero que vos guste e que vos animedes á facela!
Ata outro post!!
aburiño!
No hay comentarios:
Publicar un comentario