Hai moitas formas de chamalas, e esas son unhas delas. Tradicionalmente son típicas da cultura americana, pero nós aquí tamén temos as nosas "tortitas", as ben ricas filloas ou freixós (con moitos nomes tamén segundo a zona).
As hotcakes ou tortitas lembran a aquela época dourada dos anos 50 norteamericanos, onde nos "coffee-diners" ou bares de estrada era un prato estrela xunto cunha cunca de café. Sona moito a película, non si??
a verdade e que sí, jajaja, vénseme á cabeza Grease. O certo é, que sexa ese topicazo ou non, están moi boas! e hoxe eu traiovos aquí a receita (a miña, haberá máis non o dubido), polo tanto nova receita no blog! volve a ser un doce, seino, pero é algo que fago moito. Algún día caerá tamén algún prato.
Comezamos!!!
INGREDINTES:
- 4 ovos medianos (se son da casa mooooito mellor!)
- 300gr de fariña de repostaría
- 3 culleres sopeiras de azúcre
- media culler de azúcre vainillado (haino en sobres ou en tarriños como o que veredes aquí)
- un vaso de leite (enteiro, semi ou desnatado, a gusto!)
- unha pizca de sal (eu ás veces non o boto)
PREPARACIÓN:
Nun bol, botamos os ovos, as tres culleres de azucar e o azúcre vainillado. Batemos ata que se disolva o azúcre e vexamos que o líquido colle volume (coas típicas burbullas).
Unha vez que teñamos ben batido podemos engadir a pizca de sal. Seguidamente incorporamos o vaso de leite.
Unha vez botado o leite e batido ben, o resultado é o que se ve na foto de arriba.
Agora, hai que botar a fariña, pouco a pouco e batendo ao mesmo tempo. Para evitar os grumos (as boliñas de fariña) imos a pasar a fariña polo coador, en pequenas cantidades, e batendo a medida que vaiamos incorporando.
Deste xeito...
Cando rematemos a fariña, seguimos batendo un pouco máis para dar volume e "esponxidade" á masa, para que máis ou menos quede así...
e listo!! a masa xa está feita! Agora só queda cociñalas. Para elo, ides a coller unha tixola antiadeherente e poñela á quentar a fogo medio, ata que estea ben quente.
Logo, coa axuda dun cazo de sopa, colledes unha pequena cantidade de masa, como unhas 3/4 partes da capacidade do cazo, aproximadamente, e botadela xusto no medio da tixola, sen moverse, xa que a masa irase esparcindo soa, desta forma garantides que a tortita quede circular :)
Unha vez que xa botedes a masa na tixola, tedes que esperar á que comece á facer burbullas e o borde da tortita comece a coller consistencia para darlle a volta coa axuda dunha espátula de plástico (evitaredes raiar a tixola) máis ou menos así...
dámoslle a volta...
Deixamola uns segundos unha vez que lle damos á volta, e...
et voilà!!! hotcakes listos!!
Repetide o mesmo ata rematar a masa. :)
Logo a presentación corre a gusto de cada un, pero unhas pequenas ideas son sirope de fresa ou chocolate (como se ve na imaxe), nata, mel, nutella, mermeladas....
Son unha boa idea para o almorzo ou para unha merenda...
Espero que vos guste!! e que as fagades!!
Bo proveito!! :)
No hay comentarios:
Publicar un comentario